ER Í LAGI AÐ BARNIÐ ÞITT SÉ DREPIÐ ?

Er í lagi að barnið þitt sé drepið ? 

Mér líður núna eins og barnið mitt hafi verið drepið. Ísland hefur beðið hnekki. Þjóðin er að tapa trausti gagnvart umheiminum. Milliríkjadeila komin upp á milli Englands og Íslands, önnur lönd munu fylgja í kjölfarið. Ástæðan : Stjórnmálamenn okkar geta ekki komið greinagóðum upplýsingum til skila. Núna erum við komin í þá stöðu að önnur lönd lesa í blöðunum að Íslendingar séu hryðjuverkamenn. Hvernig væri að drullast til þess að hreinsa mannorðið sem verið er að ausa á okkur. Við eigum nóg af góðu fólki sem kann að tala við erlenda fjölmiðla.

Bretar staðfesta að Ísland sé gjaldþrota. Hvernig væri að leiðrétta þetta ? Eða eru stórnmálamenn að ljúga trekk í trekk að þjóðinni ? Það veit ekki á gott í framtíðinni.

Þjóðin þarf að fá að sjá áætlun um það hvernig við stígum saman úr þessum drullupolli, líkt og fyrirtæki þurfa að vera með Viðskiptaáætlun, þá þurfum við þjóðin líka að hafa hana. 

Og blöðin eru markaðstæki okkar. Eins og staðan er í dag þá erum við algjörlega að drulla á okkur í svörum sem við veitum erlendum fjölmiðlum. Innlend blöð eru líka ekki að hjálpa til, allir landsmenn þurfa að gera sér grein fyrir stöðunni og svo verðum við að nota innlend blöð til þess að fjalla um málin á jákvæðan hátt og reyna að greina hið góða við þessa hrikalegu atburði sem herja á okkur ! Athugið það blaðamenn, nógu slæmt er ástandið !

Ég myndi aldrei sætta mig við það að horfa á barnið mitt drepast án þess að reyna að gera allt sem hægt er til þess að forða því frá dauðanum.

Hvaða áætlun er í gangi og hvað get ÉG gert til þess að aðstoða barnið mitt Ísland.

Ekki bara hryðjuverkalög